Unha obra formulada como eminentemente práctica, de consulta e divulgativa, que é o resulta do traballo de investigación etnográfica, de campo e bibliográfica, que vimos levando a cabo nas dúas últimas décadas no eido das crenzas máxico-relixiosas e da etnomedicina galegas.

A presente obra, realizada dende unha perspectiva antropolóxica, ten por obxectivo inventariar e documentar a rica panoplia de amuletos, talismáns e obxectos de poder que, con fins apotropaicos, curativos ou favorecedores, foron e son usados na cultura popular galega. Ademais, esta escolma de obxectos fabulosos configura unha magnífica mostra do valioso patrimonio cultural inmaterial de Galicia e son, asemade, testemuño da cosmovisión do pobo galego.
Este dicionario tamén pretende dar conta da riqueza lingüistica que rodea o munda das crenzas máxico-relixiosas, recollendo as diferentes variantes dialectais e termos empregados en Galicia para referirse a todos estes obxectos protectores e sandadores, asi como esalmos, oracións e esconxuros; exemplos, tamén, do poder da palabra e da riqueza da lingua.
Dicionario de amuletos galegos é o resultado dun fondo de traballo de investigación etnográfica, de campo e bibliográfica, que o antropólogo Rafael Quintía vén levando a cabo nas dúas últimas décadas no eido das crenzas máxico-relixiosas e da etnomedicina galegas e que agora ve a luz nesta obra formulada como eminentemente práctica, de consulta e divulgativa.

___

 Editorial: AB ORIGEN 09-2024
Idioma: Galego