Desde 1989, a esquerda europea e mundial ten grandes dificultades para dirixir á cidadanía unha mensaxe coherente que responda a todas as mudanzas que se operaron na sociedade. Unha das posíbeis solucións a ese problema, tomada como unha hipótese bastante real por moitos partidos de esquerda, formulouna Tony Blair na Gran-Bretaña. O libro que Edicións Laiovento publica agora en galego analisa como naceu politicamente a chamada “terceira vía” e que aspectos dese discurso se plasmaron nos primeiros anos de goberno do Novo Traballismo británico. Desde a súa chegada ao poder, a capacidade para sorprender a propios e alleos do político británico confirmouse como suprema, mais a grande virtude da análise de Keith Dixon reside en encontrar, neses dous anos de goberno, todas as constantes do que Mister Blair nos demostrou despois. Talvez o único misterio sexa que é “patoloxicamente incapaz de comprometerse cunha opinión por medo a desagradar ao seu interlocutor”, e a que ese interlocutor sexan sempre as clases medias e George W. Bush, ou o presidente de turno dos E.U.A.

Exactamente os mesmos que os de J.M.A., que deixou a vida política co trauma de non aprender inglés.

Tradución do francés: Carlos Alhegue Leira.

____

Editorial: Laiovento 2004
Idioma: Galego
Paxinas: 97
ENSAIO CRÍTICO
ECONOMÍA