'Onde está o poliño de Rosalía?' é a segunda parte de 'O paseo de Rosalía', un clásico de 1968 co que Pat Hutchins deuse a coñecer como autora e ilustradora, destacando daquela pola súa proposta de estética vangardista, con liñas sinxelas, cores de tons ácidos e alto contido visual. Partindo da plena vixencia desa obra, este novo relato mantén as cualidades narrativas e plásticas do seu precedente: frases breves e encadeadas acompañadas de imaxes descritivas que complementan graficamente o relato, amosando dous niveis de lectura paralelos. Así, por unha parte, Pat Hutchins fainos partícipes da incesante busca do poliño por parte dunha preocupada galiña Rosalía; por outra, asistimos ás perigosas peripecias do poliño -torpe e despistado- dando voltas por distintos escenarios da granxa, mentres a nai anda á súa procura.

Ficha Técnica:

ISBN/EAN: 9788484649403.
Autor: Hutchins. Pat,.
Formato: Tapa dura.
Páginas: 32.
Alto: 203.
Ancho: 254.
Fecha de Publicación: Octubre 2015.
Idioma: Gallego.