Nilulusong ng mga tula sa Angas? ang lalake, ang pagiging lalake, at pagkalalake. Mi­na­ma­ta ang patriyarkiya at toxic masculinity, su­ba­lit sa punto-­de-­bis­ta ng isang nakikipagbuno na siya’y lalaki din—kung kaya’t pa­a­no susuriin nang patas ang kinalulugmukang pribilehiyo ng sarili? Sa pag­tu­la sa pagkalalake, sa paglayong kumawala rito, itakwil ito, at ma­ging hindi ito, na­tatagpuan sa koleksiyon ang samu’t saring buhay—ang pagsasandigan sa ama, ang mga aral ng kabarkada’t kaklase sa all-boys’ high school, ang mga mi­na­ma­hal su­ba­lit hin­di masabi, ang mga sandaling hin­di matakasan ang panganib ng pagiging sa­ri­li. Ka­ya’t gusto ma­ging wala. Sinusubok ng mga tu­la na sagutin pa­ra sa sa­ri­li at para sa ma­ki­kinig: paano ko kikilalanin, at wawakasan, kung kayahin man, ang pagkakapanganak sa sabayang angas at agnas?