Einstaklega mjúk og fínleg peysa. 

Peysan er prjónuð ofan frá og niður. Byrjað að prjóna hálft bakstykkið, niður að handvegi, þá eru lykkjur geymdar og axlalykkjur prjónaðar upp.

Prjónaðir tveir þræðir saman með Majo pearl silk mohair garni til að hafa hana extra mjúka.

Í byrjun er prjónað slétt á réttu og brugðið á röngu, bæði fram- og afturstykki.

Fram- og afturstykkið sameinað á hringprjón og prjónað slétt niður að stroffi.

Stroff er prjónað slétt og brugðið. Sléttu lykkjurnar eru prjónaðar snúnar (Prjóna aftan í lykkjuna).

Ermalykkjur og hálslykkjur eru prjónaðar upp ( Pikka upp lykkjur) og prjónaðar í hring á hringprjón.

Stærð:

(S) M (L) XL

Ummál bolur :  (100-106) 110-114 (116-120) 122-126 cm.

 Prjónfestan: 20-22 Lykkjur á 10 cm á prjón nr. 3,5 mm.

 Prjónar nr: 3,5 mm 40 cm og 80 cm / 3 mm, 40 cm / Sokkaprjónar 3 mm.

 Garn: Majo silk mohair 2 þræðir saman eða annað sambærilegt garn með sömu prjónfestu.                                                                                                                     

Garn og fylgihlutir fást hjá okkur gudrunolof studio