Ideen om måleriet av Bleia vart til i samarbeid med Heidi på ViteMeir. Ho trengte kunst i kafeen og den store veggen der måleriet no heng ropte til meg eit behov om noko STORT! Biletet har kun hengt til pynt så langt utan at eg har prøvd å selge det, men no ligg det altså ute til salgs.

Biletet er omtrent 3 meter høgt og 2 meter breitt. Motivet er fjellet Bleia som raver høgt over fjorden med sine snødekte toppar og skarpe skrentar. Eit kjent og kjært fjell for mange som også blant mange andre også er måla av den kjente kunstnaren Hans Gude som dei fleste kjenner frå Brudeferd i Hardanger. 

I bileta her ser du noko av prosessen frå start til slutt.

Vit at dette er eit av verka eg er mest fornøgd med, ikkje berre fordi det er stort, men fordi det er laga i ein viktig periode i livet mitt og eg lærte ekstremt mykje av prosessen.

Hvis du vil kjøpe det, så er det ditt, til odel og eige. Send meg gjerne ein e-post eller ring meg om du ynskjer å slå av ein prat. Kontaktinfo finn du her.